KRALENDIJK, Bonaire – 8 di febrüari, 2010: “E ta algu ku nos a hasi dos aña pasa kaba i ku plaser nos a hasié e biaha aki atrobe”, asina Petra Kruis di e departamentu di merkadeo di Digicel Boneiru a duna di konosé na momentu ku e grupo di karnaval hubenil “ Happy Feet” tabata pasa den kayanan di Boneiru.

Resientemente Digicel a kontribuí ku e organisashon di “Happy Feet” pa asina pèrkurá pa 50 mucha mas, por a disfrutá di e marcha hubenil na Boneiru. Un grupo bon animá i naturalmente enkantá ku nan disfras a marcha den kayanan di Kralendijk Boneiru.

Riba kombinashon di foto por mira imágennan di e muchanan kontentu di ‘Happy Feet” ku djadumingu último a disfrutá plenamente di nan marcha hubenil.