Kralendijk, Boneiru – Febrüari 9, 2008: Den fin di siman tras di lomba e di shete edishon di Special Olympics Walk-a-Thon a tuma lugá ku alrededor di 500 partisipante. Partisipantenan por a skohe entre sea un ruta di 30 kilometer na pia òf 50 kilometer riba baiskel ku 8 ‘stòp’ di awa riba ruta. E gerente general nobo di Digicel Boneiru, esta Sr. Remko van der Veldt i representante di merkadeo i promoshon Petra Kruis a opta pa partisipá na e ruta di siklismo di 50 kilometer. Digicel ta sostené Special Olympics rònt Karibe, i komo tal Digicel Boneiru tambe ta sostené e instituto di Special Olympics i su eventonan aki na Boneiru.

 “Meskos ku den tur otro merkado Digicel ta sostené Special Olympics. E ta un kompromiso ku Digicel tin pa ku e organisashon, di por yuda na unda ku ta na nos alkanse. Tabata un bunita bista di por a mira tantu hende riba pia pa sostené e muchanan di Special Olympics. Ademas di ku kanamentu ta bon pa salú, e la benefisiá e muchanan tambe”, asina gerente general Remko van der Veldt a komentá durante di e ruta.

Riba e potrèt por nota gerente general di Digicel Boneiru Remko van der Veldt, representante di merkadeo i promoshon di Digicel Boneiru Petra Kruis huntu ku representantenan di J.C. Herrera ku tambe a sostené e evento aki.