KRALENDIJK, Boneiru – 1 di desèmber 2010 – For di dia 1 te ku 24 di desèmber 2010, Digicel lo tin su tremendo kampaña di fin di aña, esta ‘ Tur dia ta Pasku ku Digicel’. Esaki pa motibu ku Digicel lo ta regalando 1 premio fabuloso tur dia pa 24 dia entre tur su klientenan.

‘E parti fantástiko di e kampaña aki ta, ku tur hende por ta un ganadó na Digicel’ asina Jursi Marshall a duna di konosé ayera durante di e Rueda di Prensa pa anunsiá e tremendo kampaña aki. ‘E sistema lo selekshoná diariamente un ganadó, pues tur hende ku ta kliente aktivo na Digicel durante e periodo tin chèns pa gana e premionan gordo diariamente’ Jursi Marshall ta sigui splika. 

Pa partisipá ta masha fásil. E klientenan prepago por partisipá den e kampaña  outomátikamente ora nan rekargá durante e periodo di e kampaña. Klientenan postpago ta partisipá outomátikamente na momentu ku nan kuenta ta pagá kompletu. Alabes tur dia Digicel ta regalá 3 bes pa dia 10 florin na krédito. E premio gordo ta varia entre plaka kèsh, biahe pa 2 persona, Mountain bike, 1 aña grátis di gasolin, shopping spree, weekend stay, BlackBerry, IPAD, kompras di supermerkado, Laptop, Flatscreen, Spa treatment i 2 karchi di entrada pa fiesta di fin di aña.

Pa sa si bo a gana òf no, ta masha fásil mes. E ganadó diario di 10 florin di karchi di krédito, lo risibí un SMS ku nan a gana. E ganadónan di e premio gordo lo risibí un yamada di un di e representantenan di Digicel pa nan bin buska nan premio.

E kondishon pa partisipá ta fásil. Bo mester ta un residente i mester tin un identifikashon bálido. Bo mester ta riba 18 aña. Personanan ku ta bou di 18 aña tambe por partisipá den e kampaña, pero mester bin kompañá pa un representante legal pa reklamá su premio.

‘Asina ta ku si bo no tin un selular di Digicel ainda, pasa buska esun di bo awe mes pa bo tambe por ta un di nos felis ganadónan di Digicel e fin di aña aki, paso tur dia lo ta Pasku aki na Digicel’ Jursi Marshall ta terminá bisando.