KRALENDIJK – 5 di Yanüari, 2009: E ganadó ta konosí awor, esaki despues ku Digicel a anunsiá e un felis klientenan ku lo bini un aña largu grátis riba kuenta di e kompania di selular ku mas ta kresiendo den Antia, den Karibe, den Sentro Amérika i awó hasta den Oséano Pasífiko. Bert Schreuders, direktor di Digicel Boneiru huntu ku Petra Kruis representante di merkadeo i promoshon di Digicel Boneiru a saka ayera nòmber di e ganadó di e gran kampaña di fin di aña aki. E ganadó a resultá den persona di Mary-Ann Campagnart . De presensia di notario Maartense a saka e ganadó ayera na ofisinal di Digicel den Kaya Grandi.

Pa partisipá na e gran kampaña aki, klientenan mester a rekargá nan selular prepago ku kualkier suma, kumpra un selular nobo di Digicel òf paga nan kuenta postpago na tempu. Mester a yena i depositá e kupònnan na tienda di Digicel.

Digicel ta hasi un kliente felis ku e kampaña aki. E ganadó ariba menshoná a gana un aña di kual Digicel lo paga nan kuenta di hipotek òf hür di kas, nan gasolin, nan kuentanan di awa i koriente, gastunan di komestibel i sin lubidá nan kuenta di selular. Tin kondishonnan aplikabel den e kampaña aki, entre otro ku e suma total lo keda paga a base mensual.

Separá di e premio grandi aki, Digicel ya a saka premionan tur siman na unda un total di no ménos di 30 mil kliente na Kòrsou i Boneiru a gana krédito instantáneo pa por sigui hasi yamadanan via nan selular di Digicel. Na tur ta papiando aki di por lo ménos 300 mil florin na premio. Esaki ta un forma mas pa demostrá e gradisimentu di Digicel na tur su klientenan ku durante e último dos añanan a sa di sostené nan, hasiendo uso di nan servisionan atraves di e ret di selular mas grandi i mihó di Boneiru.

Pabien na e felis ganadó!