DIGICEL TA PRESENTA SU PROMESA NOBO

August 31st 2012 - DIGICEL TA PRESENTA SU PROMESA NOBO

Despues di 6 aña brindando e mihó oferta i servisio i ret 4G

DIGICEL TA PRESENTA SU PROMESA NOBO

‘TA EKSTRAORDINARIO NA SU KLIENTENAN

 

KRALENDIJK – Boneiru – 28 di ougùstùs, 2012: Awe Digicel Boneiru ta marka historia, ora ku nan a lansa nan promesa nobo ‘Ta Ekstraordinario’ na Ribsfactory. Ku e kampaña i promesa nobo ‘Ta Ekstraordinario’, Digicel Boneiru ta marka e siguiente paso den e evolushon di e marka Digicel, dunando henter e pueblo di Boneiru un oportunidat úniko pa bin selebrá e kosnan ekstraordinario den bida diario i ku ta sirbi komo motivashon i inspirashon i  alabes ta proyektá Digicel su kompromiso spesial di sigui brinda e mihó servisio na su klientenan.

 

Ku ‘Ta Ekstraordinario’, Digicel kier enfatisá su mensahe ku “ekstraordinario” ta tur kaminda rònt di nos – i si nos tuma tempu pa tira un di dos bista, nos por eksperiensha esaki den tur su magnitut. E imágen nobo aki di ‘Ta Ekstraordinario’,  lo ta visibel tambe riba entre otro; billboards, den nos tienda, riba internèt, den e medionan skirbi i na radio rònt di nos isla.

 

E CEO di Karibe Hulandes, Sander Gielen, a bisa; “‘Ta Ekstraordinario’ ta tokante selebrá ku hende komun i koriente ta hasiendo kosnan ekstraordinario i aksentuá e logronan di nos klientenan den nan bida diario. E ta tantu  un deklarashon komo un promesa i un desafio pa hendenan ta lo mihó ku nan por ta den bida. Nos ròl na Digicel ta pa apoyá nan den kada paso pa logra esaki.  E ta un deklarashon ku ta motivá, e ta positivo, alegre i festivo, pasobra no ta trata di Digicel – pero di nos klientenan.”

 

Komo un sorpresa adishonal, Digicel a introdusí un kampaña ku yama ‘Bario Ekstraordinario’, ku tambe lo tuma lugá na Boneiru den koperashon ku e proyekto eksistente “Huntu pa un Bario limpi”, ku ta un proyekto ehekutá pa Wereldnatuurfonds, Selibon, Polis Ambiental, Directie Ruimte en Ontwikkeling i Intergrale Wijkaanpak. E promé proyekto di ‘Bario Ekstraordinario’ lo tuma lugá na Antriol, unda Digicel lo enkabesá un limpiesa di bario. ku e inisiativa i promesa aki, Digicel lo apoyá i mehorá vários área di nos komunidat. Henter e miembronan di staf di Digicel tambe lo ta kla promové nan kompromiso i pa traha man den man ku tur esunnan ku ta biba den e komunidatnan, ku mensualmente nan lo bishita pa hasi e kampaña unu realmente eksitoso i di pueblo.

 

FIN