KRALENDIJK – 10 di novèmber 2010: Siendo e operadó ku mas ta kresiendo den henter Caribe, Sentro Amérika i Oséano Pasífiko, Digicel awe a lansa e BlackBerry® Torch™ 9800 nobo den henter Caribe. Ideal pa klientenan konektá pa sosialisá i yena ku hèrmèntnan ku klientenan komersial lo gusta, e selular nobo ta ofresé karakterístikanan avansá i funshonalidat. E ta e promé smartphone na mundu ku ta kombiná un “keyboard BlackBerry®” ku un eksperiensha di full touch screen i ta e promé pa inkluí e software “BlackBerry® 6” nobo.

Wanda Broeksema, enkargá ku e departamento di merkadeo i promoshon di Digicel pa Aruba, Boneiru i Kòrsou a bisa: "Digicel ta orguyoso di pèrkurá ku nos klientenan tin akseso na lo último den inovashon i teknologia i nos ta enkantá di anunsiá ku e BlackBerry Torch tambe ta forma parti di nos variedat amplio di selular. Nos klientenan ta konfia riba nos pa sigurá ku nan ta keda na vanguardia di teknologia i pa medio di nos paketenan di plan na preis kompetitivo, nan por haya e mihó balor pa nan plaka. Awor mas ku nunka nos ta dunando mas hende e chèns di uni na e revolushon BlackBerry."

E BlackBerry Torch nobo tin un touch screen grandi i “optical trackpad” ku ta bini ku un “backlit slide-out BlackBerry keyboard”. E ta bin instalá ku e último generashon den konekshon “Wi-Fi® (b/g/n)” i su kámara di 5 MP ta saka potrètnan eksepshonal ku “auto focus” kontinuo, ku imágen stabil, “scene modes”, zoom i tambe ta graba video. Fuera di esei, e ta bin ku un kombinashon di 8 GB di kapasidat pa media i ta inkluí un “microSD/SDHD memory card slot” pa te ku 36 GB di kapasidat total di memoria.

E BlackBerry Torch ta e promé modelo ku ta sali instalá ku e sistema operativo “BlackBerry 6”, un sistema operativo nobo pa selularnan BlackBerry. E tin un browser basa den “WebKit” nobo ku ta habri páginanan di Internèt HTML (komo tambe HTML email) lihé pa un eksperiensha agradabel online. E “browser” ta inkluí tabs pa haya akseso na vários páginanan di Internèt pareu, pinch pa zoom, i un “auto-wrap text zoom” ku di forma efisiente ta pone teksto den kolòm miéntras ta mantené e lugá di e página su elementonan klave dor di djis primi dos biaha riba e BlackBerry Torch. Tambe ta inkluí kapasidat di mensahe mas grandi ku aspektonan intuitivo pa hasi e maneho di social networks mas fásil i ta duna un akseso integrá na BBMT (BlackBerry® Messenger), Facebook®, Twitter™, MySpace™ i vários aplikashon di mensahe instantáneo optenibel riba e BlackBerry Torch smartphone.

E búskeda universal ta laga usuario buska kontenido riba e smartphone, komo tambe amplia e búskeda riba Internet òf pa deskubrí aplikashonnan riba “BlackBerry App World™”, ku awor ta aseptá pago ku credit card. Pa mas informashon, bishita www.blackberry.com/torch.