Ku hopi aktividat pa nos muchanan

Digicel ta invitá un i tur pa su tremendo Feria di Famia GRÁTIS

KRALENDIJK, Boneiru – 25 di mei 2012: Djasabra awor Digicel ta organisá un tremendo Feria di Famia GRÁTIS for di 10or di mainta pa 1or di atardi na Restorant El Mundo ku hopi aktividat pa tur nos muchanan.

Trese bo famia kompletu na e fabuloso Feria di Famia aki unda Digicel lo tin un Bouncer, Kòntèst di Pintamentu, Pintamentu di Kara i Panchito Club pa entretené esnan mas hóben.

"Esaki ta un oportunidat pa nos mayornan por relahá i disfrutá di e ambiente, komo tambe chèk tur e ofertanan sin igual ku Digicel ta ofresiendo ariba selularnan prepago, i hopi mas!" ehekutivo di  merkadeo di Digicel Boneiru, Christie Quarton ta invitá ku entusiasmo.

Alabes Digicel tambe lo hasi entrega di e premionan na e ganadornan di e fabuloso kampaña di ‘Turn me On and Win’ na e okashon aki.

"Bin pasa un ratu ameno ku nos na El Mundo, nos ta bai pasa hopi bon!" Christie Quarton a añadí.