KRALENDIJK, Boneiru – 17 desèmber 2010: Ya pa mas ku un siman Digicel Boneiru, representá pa Petra Kruis huntu ku e fabuloso santa Girl a hasi hopi kliente di Digicel kontentu. I e siman aki otro grupo di kliente a risibí nan tremendo regalo di a kampaña di ‘Tur di ta Pasku ku Digicel’.

Ta asina ku Petra Kruis i Santa Girl a hasi entrega di  Naf. 2000,- kèsh, 1 aña di gasolin grátis, flatscreen di 37”,  BlackBerry Torch, Laptop,  weekendstay na Captain Don’s Habitat i posibilidat pa ‘Shop till you drop’. Tur esaki sin menshoná e tantísimo kantidat di krédito grátis na e klientenan prepago ganador.

Digicel ta yama pabien na tur ganador i ta rekordá ku ainda tin hopi mas premio gordo pa gana den nan kampaña di ‘Tur dia ta Pasku ku Digicel’.