DIGICEL TA HASI ENTREGA DI BLACKBERRY NA REINA, PRENS I PANCHO DI CARNAVAL

March 1st 2011 - DIGICEL TA HASI ENTREGA DI BLACKBERRY NA REINA, PRENS I PANCHO DI CARNAVAL

KRALENDIJK, Boneiru - 1 di mart 2011: Digicel ta un di e spònsernan prinsipal di Karnaval 2011 na Boneiru i sigur ta hopi orguyoso di por kontribuí na un di e gran selebrashonnan kultural riba e isla aki. P’esei mes Digicel a entrega un bunita BlackBerry na e Reina, Monzarath Margarita, e Prens Suradno Mercera i na e Pancho Tiko Mercera. Esaki sigur ta un regalo ku nan no a spera, pero sigur ta balorá i apresiá masha hopi mes. Digicel semper ta kla pa kontribuí na e desaroyo di nos hóbennan talentoso den e ramo di Karnaval.

Durante e gran marcha djadumingu awor den Playa, Digicel lo repartí algun regalu tambe pa tur e fiel karnavalistanan di Boneiru pa nan tambe disfrutá mas ainda di nos dushi Karnaval.

Digicel ta bon konosí aki na Boneiru pa su partisipashon den eventonan kultural, deportivo i sosial pa henter e isla. E kompania ku mas ta kresiendo den Karibe, Sentro Amérika i hasta den Oséano Pasífiko ta kere den duna bek na e mesun komunidat ku tantu ta sostené nan i gosa di nan servisio sin igual. Siendo e ret mas grandi i mihó, Digicel lo sigui sostené e tipo di eventonan asina, aktividatnan ku ta uni siudadanonan i hasi di Boneiru un isla yen di ambiente i kultura!