DIGICEL TA GANA PREMIO DI INOVASHON KU TCHOTCHO MOBILE NA HAITI

Digicel i Scotiabank ta gana "Consumer Service Innovation Award"

di e revista Global Telecoms Business

Djaweps, 9 di yüni 2011 - Kingston, Jamaica: Digicel a gana e ‘2011 Global Telecoms Business Innovation Award’ pa ‘Consumer Service Innovation’ ku ‘TchoTcho Mobile Money service’ na Haiti.

Esaki ta di dos biaha den tres aña ku Digicel a gana e prestigioso ‘Global Telecoms Business innovation award’ - e último biaha tabata pa ku e introdukshon di e promé selular solar na mundu na 2009.

Colm Delves, Group CEO di Digicel, a komentá:"Nos ta kere ku TchoTcho Mobile lo kambia e manera ku hende ta biba i hasi transakshon. Ku mas di 2.4 mion di abonado i brindando 95% di kobertura di e populashon i e ret mas grandi den komersio, Digicel tei spesialmente pa ofresé servisio monetario mobil eksitosamente. Nos ta kontentu pa risibí e premio aki i nos ta sigur ku TchoTcho Mobile rápidamente lo bira un parti esensial di bida di e hendenan na Haiti."

E premio a keda presenta na Digicel e siman aki durante e seremonia di ‘Global Telecoms Business Innovation Awards’ na London. Diseñá pa selebrá kolaborashon entre e operador- i bendedónan, e premio di ‘Consumer Service Innovation’ ta rekonosé e proyektonan mas inovativo den industria na mundu i a tuma lugá pa promé biaha na 2007.

"Scotiabank ta orguyoso di ta partner ku Digicel pa ofresé e produkto inovativo i pagabel na e hendenan di Haiti," Luce Veilleux, Senior Vice-President, Retail Products, Scotiabank a deklará. "Ta importante pa nos pa sigui hunga un ròl positivo den éksito di Haiti dor di hasi servisio finansiero aksesibel, promoviendo inklushon finansiero i permití kresementu di negoshi i kondusí e éksitonan di e ekonomia di Haiti, manera nos a hasi desde 1972."

E revista Global Telecoms Business ta parti di Euromoney Instutional Investor PLC Group, un di e kompanianan internashonal prinsipal di negoshi-pa-negoshi a enfoká primariamente riba e sektor finansiero internashonal.

Digicel ta e invershonista priva mas grandi di Haiti, ku un invershon di US$490 mion te awe. Awor ku 2.4 mion abonado, Digicel su establesimentu for di aña 2005 na Haiti a mira un bahada na preis signifikante pa selular i un penetrashon di 5% pa 35% di selular awendia, pa un gran parti danki na Digicel.

Alabes, segun un kompania di desaroyo Franses, Proparco, Digicel Haiti a kontribuí direktamente i indirektamente ku un kresementu di 20% na e pais su Produkto Interno Bruto (BBP) entre 2005 i 2007 (14% direktamente, 3% pa medio di distribuidónan i otro 3% dor di rebendedónan).

Digicel tambe ta ofresé servisio monetario mobil na Fiji i Tonga.

Photo 1:

Scotiabank Haiti Country Manager, Maxime Charles i Digicel Group Business Development Director, Ken Mason, na e ‘2011 Global Telecoms Business Innovation Awards’ na London