AWOR DIGICEL TA OFRESE LES DI BLACKBERRY

RIBA DIFERENTE NIVEL

KRALENDIJK, Boneiru – 14 aprel 2011: Digicel a kuminsá ku un programa inovativo di training di BlackBerry pa tur su usuarionan. E intenshon di e programa di training aki ta spesialmente pa permití tur e usuarionan mira i siña tur e diferente posibilidatnan ku tin ku BlackBerry. Pasobra aktualmente, loke mayoria di e usuarionan ta usa, ta apénas 4 pa 5, miéntras ku e BlackBerry tin mas di 100 funshon. P’esei Digicel a disidí di kuminsá ku e trainingnan aki, pa asina eduká e klientenan na Boneiru. E lèsnan ta kompletamente grátis i ta hasi den un ambiente agradabel. Normalmente e lèsnan ta dura 1 ora pa 1 ora i mei, pero ta dependé di tur e preguntanan ku tin den e grupo. Intenshon ta pa Digicel realmente yuda kada usuario mas ku ta posibel, pa despues nan por hasi mihó uso di nan BlackBerry.

Ta dividí e lèsnan den 4 nivel, ya asina kada usuario mes ta skohe kua lès ta mas útil i efektivo pa nan asistí.                                                                                       

E promé nivel ta esun di ‘BlackBerry Basics’, ku ta pa tur esunnan ku a kaba di risibí nan BlackBerry i no sa muchu bon con pa us’é korekto i apropiá. Esaki ta un lès ideal pa tur e prinsipiantenan den e mundu di BlackBerry.

E di dos nivel ta esun di ‘BlackBerry 202 – Tips and Tricks’. Den e lèsnan aki, bo ta siña tur e ‘savvy little tricks and shortcuts’ pa hasi bo bida unu mas fásil.

BlackBerry nivel 3 i 4 ta mas komo pa esun intermedio, ya ku e ta bai kontribuí enormemente na e uso efisiente di BlackBerry i tambe pa e problemanan mas avansá, ku ta permití abo pa drecha mayoria problema ku bo por hañabu ku bo BlackBerry.

E lèsnan ta tuma lugá kada luna i si bo ke inskribí òf risibí mas informashon, manda un email na Christie.Quarton@digicelgroup, òf pasa na nos tienda di Digicel. Tambe bo por ‘like’ nos riba Facebook i risibí tur e último informashon ora ku nan risibí nan siguiente lèsnan di BlackBerry.