Kandidatanan pa Mama Modelo 2012 a lusi fabuloso

Digicel i AD produkshon ta selebrá mamanan ku karisma

KRALENDIJK, Boneiru - 18 di mei 2012: Boneiru resientemente a konosé su Mama Modelo 2012 den nòmber di Jenrette Coffy. Un biaha mas Digicel ta sumamente orguyoso di por a forma parti di e sertámen bunita aki.  Komo un partner di AD produkshon pa e sertámen aki, Digicel a regalá e mama ganadó un tremendo telefon selular pa e keda den kontakto ku tur hende i manehá su agènda drùk ku fasilidat.

Loke tabata un toke bunita di e sertámen Mama Modelo 2012 ta ku e mamanan a presentá un show inspirá pa e estilo tradishonal Chines. E mamanan a lusi trahenan impreshonante ku un toke spesial, trahá di tela ku prent Chines tradishonal.

E kompetensia tabata hopi fuerte i e hurado tabatin un trabou difísil pa skohe ken ta e mama ku a resaltá mas."E mamanan ehemplar a kompetí den diferente área i tabata un plaser pa wak e damanan aki demostrá nan talentonan i gran positivismo. "Un danki tambe na nos representante di merkadeo Christie Quarton ku a representá Digicel hopi bon komo miembro di hurado. Esaki no tabata un tarea fásil," el a añadí.

"E show tabata tremendo. Masha pabien na Jenrette. Nos ta kontentu ku bo a gusta bo regalo i ku lo hasi bon uzo di esaki pa yudabo organisá bo dia. Nos ta deseá bo hopi éksito!" Sra. Quarton ta konkluí bisando.

FIN