Boneiru, Korsou i Aruba ta bria entre 31 merkado den Caribe, Sentro/Sur Amérika i Oséano Pasífiko

DIGICEL DUTCH CARIBBEAN A GANA E PREMIO DI “BEST BUSINESS AWARD 2009”

KRALENDIJK – 20 di Mei, 2009: Digicel Dutch Caribbean ku ta inkluí e operashonnan di Digicel na Kòrsou, Boneiru i Aruba a gana e premio di “Best Business Award 2009”, otorgá dor di direktiva di e kompania durante un fiesta di gala na Los Angeles, California. E premio ta bini komo un forma pa honra e kompania ku mas a surpasá su metanan, tanto finansiero como esnan no finansiero. E metanan di e kompania ta enserá entre otro e benta, entradanan pero mas ku tur kos, e servisio na kliente durante aña 2008. ‘E premio importante aki ta bini como resultado di trabou duru i konsistente, tantu di parti di e empleadonan di e ret di selular mas grandi i mihó, pero tambe di parti di e tim di gerensia ku ta manehá e kompania’, segun CEO di Digicel Dutch Caribbean, Hans Lute. “Nos ta sumamente orguyoso di por representá nos region i risibí e prestigioso rekonosimentu aki.”  No ta fásil pa gana e premio di “Best Business Award” mei mei di no ménos di 31 kompania den Caribe, Sentro/Sur Amérika i Oséano Pasífiko, ku huntu ta forma Digicel Group.

Riba potrèt: Momentu ku rekonosimentu a wòrdu entrega  na Los Angeles, California na Sr. Hans Lute, CEO di Digicel Dutch Caribbean i e tim di gerensia; Oliver Chatten, Michelle Winklaar, Remko van der Veldt, Bernard Creed i Alvin Korkie.

Desde su lansamentu na aña 2001, Digicel a sa di kombertí su mes den e operador di telekomunikashon mobil di mas grandi den e region Karibense, ku mas di 6 mion kliente. Despues di shete aña, Digicel ta rekonosé pa su tarifanan kompetitivo, kobertura sin igual, un variashon amplio di produktonan i servisio úniko na su usuarionan. Ofresiendo servisionan mobil i sosteniendo e komunidatnan, Digicel a bira e marka lider den henter Caribe i a sa di postulá e region na e nivelnan di mas haltu den e industria di komunikashon mobil. Digicel awendia ta un entrante nobo den e merkado di Sentro Amérika.

Digicel ta inkorporá na Bermuda i ta operá den 31 diferente merkado rònt mundu. Su operashonnan den Caribe i den Sentro Amérika ta inkluí su presensia na Anguilla, Antigua & Barbuda, Aruba, Barbados, Bermuda, Bonaire, British Virgin Islands, Cayman Islands, Curacao, Dominica, El Salvador, French Guiana, Grenada, Guadeloupe, Guyana, Haiti, Honduras, Jamaica, Martinique, Panamá, St Kitts & Nevis, St. Lucia, St. Vincent & the Grenadines, Suriname, Trinidad & Tobago i Turks & Caicos. Mester menshoná ku Digicel tin kobertura total na St. Martin i St. Barths. Digicel Pacific ta inkluí su presensia den merkadonan manera na Fiji, Papua New Guinea, Samoa, Tonga i Vanuatu.

E kompania ta e spònser ofisial di e deportenan di mas importante den Caribe i Sentro Amérika, manera ta e timnan di West Indies Cricket, ekiponan di Special Olympics den henter e region i ta e spònser ofisial tambe di e “Digicel Caribbean Championship” i e “Copa de Naciones Digicel”, ku ta e kampionatonan di futbòl di mas importante den e region Karibense i Sentro Amerikano. Ta trata aki di un di e weganan importante pa kualifiká pa e CONCACAF Gold Cup.