Oradó invitá tabata e direktor di STINAPA

KRALENDIJK, Boneiru – 29 di ougùstùs, 2010: Resientemente a tuma lugá e di dos edishon di “Woman of Influence” organisá dor di Digicel Boneiru. E evento a konta ku un kantidat di invitada i a tuma luga den Sense.

Ta trata aki di un evento den kual Digicel ta skohe un tema speshal i ta invitá un orador pa bin hiba palabra. Separá di un evento ku diskurso i informashon, e ta un bon momento tambe pa hende muhénan di Boneiru topa ku otro i siña konosé otro mihó. Pa medio di “Woman of Influence”, Digicel ta rekonosé e trabou di e hende muhé, sin distinguí si ta un profeshonal, si ta un ama di kas, un mama, un yùfrou di skol òf un hende muhé envolví den kantidat di trabounan sosial pa nos isla. Pa Digicel tur hende muhé ta importante i ku e evento aki kier rekonosé tur.

Komo oradó invitá a hiba palabra Elsmarie Beukenboom, direktor di STINAPA. Su tema tabata riba “Global Warming” i con e ta afektá Boneiru i kiko nos tur lo por hasi al respekto. E invitadonan a sigui e diskurso aki ku masha atenshon, pasobra e mensahe i informashonnan ku e tabata kontené tabata masha interesante.

Klaro ku Digicel a sa di probechá di e okashon aki i durante di “Woman of Influence” a lansa un promoshon special pa e modelo BlackBerry 8520. Klientenan por kumpra un BlackBerry pa solamente Naf. 99,00 i por skohe entre un modelo koló kòrá, pretu òf “frost”. Ta trata aki di e paketenan di Naf. 80,00 pa luna ku un kontrakt di 2 aña. E pakete ta enserá Naf. 30.00 pa luna na yamadanan di selular i Naf. 50.00 pa luna pa uzo di data (Internèt) ilimitá. E promoshon aki ta sigui te ku dia 15 di Sèptèmber òf tanten ku tin den stòk.

Na final tabatin un trit speshal pa tur esunnan ku a atendé na e evento aki, den forma di un entrada grátis pa dos persona den nos Parke Nashonal pa asina haci uso di tur loke a tende i siña den e diskurso di e oradó invitá di STINAPA. Di e forma aki Digicel ta rekonosé e hende muhénan di Boneiru i na mes momento ta siña tur hende pa apresiá i gosa di naturalesa mas ainda!