Kralendijk, Boneiru – Djamars último Digicel Boneiru a tene nan promé resepshon komersial ku algun invitado pa habri e aña nobo i alabes presentá e último riba tereno di BlackBerry ku e kompania tin di ofresé.

Jursi Marshall orguyosamente a habri e okashon ekspresando su apresio pa e sosten di nos klientenan i amigunan pa e éksitonan di nos kompania durante 2010. ‘E ta un honor pa Digicel por a tambe kontribuí na e kresementu i éksitonan di kompanianan establesí na nos isla. Ta un privilegio i plaser pa por sigui sirbi nos klientenan individual i komersial durante e aña aki’ asina ela duna di konosé.

Staf i personal kompletu ta deseá komunidat di Boneiru un dushi i próspero 2011 i ku e aña nobo trese hopi desaroyo positivo pa tur hende.