KRALENDIJK, Boneiru – 4 di òktober 2010: Huntu ku prensa, a tuma lugá e reapertura di e tienda di Digicel situá den Kaya Grandi ayera mainta.  Manera ta konosí, ya pa algun siman Digicel tabata den proseso pa renobá su tienda. Awor ta asina leu ku e trabounan a finalisá i públiko lo por gosa di un tienda ku un diseño nobo i moderno. Dos atleta di Special Olympics a hasi e apertura huntu ku Jursi Marshall, gerente general di Digicel Boneiru.

Pa selebrá esaki i apertura di e siman di regata Digicel a perkurá pa un tremendo oferta kaminda klientenan ta risibí un flanè di regata 2010 grátis na kompra di un selular nobo riba e dia di reapertura i awe djamars. Digicel ta invitá tur hende, ku no a pasa ainda pa bin bishita e tienda nobo aki, awor mas moderno i ku un tremendo oferta.